§17

§17
135	--	kinun=at kāš[a mi]ēšta?
	A1+2	Rs. 20/Rs. 29 ki-nu-na-at ka-a-š[a mi?-]⌈e⌉-eš-ta 32
136	--	n=at DINGIR-LUM LÚŠE.KIN.KUD-aš māḫḫan miyān iyatnuwan ḫāšuwāiS[AR arḫ]a warašta
	A1+2	Rs. 20/Rs. 29 na-at DINGIR-LUM LÚŠE.KIN.KUD-aš ma-a-aḫ-ḫa-an mi-ia-a-an i-ia-at-nu-wa-an Rs. 21/Rs. 30 ḫa-a-šu-wa-a-iS[AR ar-ḫ]a wa-ar-aš-ta
137	--	namma=at anda puššāit
	A1+2	Rs. 21/Rs. 30 nam-ma-at an-da pu-uš-ša-a-it
138	--	idālu=ya uttar NIŠ DINGIR-LIM ḫu[rtāin] paprātar ḫašuwāiSAR māḫḫan anda puššaiddu
	A1	Rs. 21/Rs. 30 i-da-a-lu-ia ut-tar Rs. 22 NI-IŠ 33 DINGIR-LIM ḫu-u[r-ta-a-in] ⌈pa⌉-ap-ra-a-tar ḫa-šu-wa-a-iSAR ma-a-aḫ-ḫa-an an-da pu-uš-ša-id-du
139	--	n=at ḫašša[n iya]ddu
	A1	Rs. 23 na-at ḫa-aš-ša-a[n i-ia-a]d-du
140	--	n=at namma ANA PĀNI DINGIR-LIM=ya lē ANA EN SÍSKUR=ya=at=šan tuēkkišš[i lē]
	A1	Rs. 23 na-at nam-ma A-NA PA-NI DINGIR-LIM-ia le-e A-NA EN SÍSKUR-ia-at-ša-an Rs. 24 tu-e-ek-ki-iš-š[i le-e]
141	--	nu DINGIR-LUM EN SÍSKUR=ya parkuwaēš ašandu
	A1	Rs. 24 nu DINGIR-LUM EN SÍSKUR-ia pár-ku-wa-⌈e⌉-eš a-ša-an-du
142	--	kī=ya ḫāšuwāiSAR māḫḫan anda p[uššā]it
	A1	Rs. 24 ki-i-ia ḫa-a-šu-wa-a-iSAR Rs. 25 ma-a-aḫ-ḫa-an an-da p[u-uš-ša-a]-it
143	--	n=at ḫaššan iyat
	A1	Rs. 25 ⌈na⌉-at ḫa-aš-ša-an i-ia-at
144	--	idālu=ya uttar NIŠ DINGIR-LIM ḫurtaiš pa[pratarr=a Q]ĀTAMMA ḫaššaš iyanza ēšdu
	A1	Rs. 25 i-da-a-lu-ia ut-tar NI-IŠ DINGIR-LIM Rs. 26 ḫu-ur-ta-iš pa-a[p-ra-tar-ra Q]A-TAM-MA ḫa-aš-ša-aš i-ia-an-za e-eš-du
145	--	DINGIR-LUM=ma EN SÍSKUR=ya apēz uddānaz parkuwaēš ašandu
	A1	Rs. 26 DINGIR-LUM-ma EN SÍSKUR-ia a-pé-e-ez ud-da-a-na-az pár-ku-wa-e-eš a-ša-an-du 34

CTH 480.1